Nadakpan ang usa ka 37-anyos nga babaye sa gilusad nga joint buy-bust operation sa kapulisan alas 7:13 sa gabii niadtong nakalabay nga adlaw sa Purok 6, Barangay Poblacion, Sulop.
Giila ang suspek nga si alyas “Jane,” residente sa maong lugar, nga nadakpan human nagbaligya og ginadudahang shabu ngadto sa poseur buyer.
Gipangulohan sa Municipal Drug Enforcement Unit sa Sulop MPS ang operasyon uban ang PIU, PDEU sa DSPPO, 1st DSPMFC ug 1104th Maneuver Company.
Narekober gikan sa iyahang posisyon ang tulo ka sachet sa ginadudahang Methamphetamine Hydrochloride o shabu nga adunay gibana-banang gibug-aton nga 0.44 gramos ug Standard Drug Price nga kapin ₱2,900, lakip na ang buy-bust money, cellphone ug coin purse.
Gidala ang suspek sa Sulop Municipal Police Station alang sa dokumentasyon samtang giandam na ang kaso batok kaniya tungod sa paglapas sa Republic Act 9165 o Comprehensive Dangerous Drugs Act of 2002.
