Nasikop sa kapulisan sa Glan Municipal Police Station ang suspek nga mitigbas-patay sa iyahang ugangan kagahapong adlawa sa Brgy. Tapon, Glan Sarangani Province. Giila ang suspek nga si Jimmy Lawgo, 40-anyos, minyo ug residente sa nasangpit nga lugar.
Base sa imbestigasyon sa kapulisan nasuko matod pa ang suspek ngadto sa iyang asawa tungod wala kini gitagad sa wala pa natulog rason nga gigukod sa supek og sundang ang iyang asawa apan nakasibat kini og nakatago.
Tungod sa maong panghitabo gipahimungtan sa suspek ang ugangan niini nga giilang si Agustin Ginang kinsa biktima sa pagpanigbas. Depensa usab sa suspek nga naestoryahan matod pa kini og sakit nga estorya sa iyahang ugangan ug gikapoy siya gikan og saka og mga lubi niadtong higayona rason nga iya kining natigbasan.
Sa kasamtangan nakakustodiya na sa Glan MPS ang suspek, samtang gihikay na ang kaso nga ipasaka batok kaniya.
Photo Courtesy: The Rainmaker Group
