Mipahigayon sa paghatod sa bugas ang PDRRMO-South Cotabato, ubos sa pagpangulo ni Rolly Doane C. Aquino, isip tabang alang sa 100 ka benepisyaryo sa Food-for-Work Program sa Sitio Kleb, Barangay Salacafe, Tboli South Cotabato.
Gihatag ang maong hinabang human sa road clearing operations nga gihimo sa mga residente, kinsa nagtinabangay aron matubag ang kadaot sa kadalanan sa ilang komunidad.
Kining padayon nga interbensyon nahimong kabahin sa maayong serbisyo sa Provincial Government sa South Cotabato nga nagpakita sa makanunayon nga pasalig sa kagamhanang probinsyal sa paghatag gahum sa mga komunidad nga nalambigit sa resilience-building ug recovery efforts pinaagi sa Food-for-Work Program.
Photo Courtesy to:PDRRM-South Cotabato
