Padayong mapahimuslan sa mga katawhang Iliganon ang gihatod nga programa sa Medical Assistance to Indigent and Financially Incapacitated Patients (MAIFIP) Program . Kini ang gibutyag ni Holden Ian M. Loking, Volunteer Program Coordinator sa Congressional Office of Iligan, kung asa gipahibalo ang kwalipikasyon aron maka-avail sa mga benepisyo nga gitanyag sa programa.
Matod ni Loking, isip usa ka volunteer program coordinator, kanunay niyang gisubay ang mga programa sa MAIFIP ug gipasabot nga aduna’y pipila ka mga requirements nga kinahanglang andamon aron ma-qualified ang usa ka aplikante.
Una niini mao ang certification of indigency, nga giisip nga labing importante,ikaduha ang hospital bill, reseta, ug laboratory request, aron malikayan ang kalibog sa mga benepisyaryo nga walay kompleto nga papeles atol sa pagbisita sa congressional office .
Dugang pa ni Loking nga kung laboratory ang panginahanglan, kinahanglan magpa-quotation lang sa mga ospital nga adunay Memorandum of Agreement o naka (MOA) sa Congressional Office sama sa Sanitarium Hospital ug Mercy Hospital sa Iligan City.
Gidason pa nga pinaagi niini, mailhan nila ang eksaktong kantidad sa mga serbisyo sama sa MRI, ultrasound, ug uban pang klase sa laboratory tests nga gusto sa pasyente.
Gipasabot usab niya nga parehas ang proseso sa pagkuha og tambal, diin kinahanglan nga mo-adto lang usab sa mga pharmacy nga partner hospital sama sa Mercy Pharmacy ug Sanitarium Pharmacy, aron masiguro nga maresitahan ug mahatagan ug sakto nga tabang ang mga benepisyaryo.
