Nasakmit sa iladong internet basketball sensation nga si Tristan Jass ang Guinness World Record alang sa titulo nga longest basketball shot blindfolded. Ang talagsaong kalampusan, kabahin sa iyang paningkamot nga makabungkag og upat ka world record sulod lang sa upat ka oras, nga gihimo sa Vancouver Bandits court sa British Columbia.
Sa iyang ika-upat nga world record attempt, giblindfold siya sa tuwalya ug gi-guide lamang siya sa iyang mga higala aron makapwesto. Anaa sa 73 feet ug 10.2 inches ang gilay-on ni Jass gikan sa ring ug bisan pa sa kalisod, naka-shoot gihapon siya.
Gidescribe ni Jass ang kasinatian nga medyo lisod tungod sa kawad-on sa balanse. Ang iyang kalampusan nagpakita nga dili lang sa iyang kahibalo ug ka-precise, apan usab sa pagpokus ug abilidad nga mosalig sa instinct ilabi na ubos sa dako nga pressure.
Photo courtesy: Tristan Jass
