Giawhag karon ni Presidente Ferdinand Marcos Jr. ang mga Pilipino nga mas mangandam sa mga katalagman kini human sa sunod-sunod nga kusog nga linog nga miigo sa pipila ka bahin sa nasud.
Matod sa Pridente nga kinahanglang mahimong ikaduhang kinaiya sa mga Pinoy ang mapangandamon ilabina sa panahon sa kalamidad. Kini ang iyang gipadayag atol sa usa ka aktibidad nga nag-ulohan sa “Handa sa Sakuna” (Ready for Disasters) kagahapong adlawa, Dominggo Oktubre 19, 2025.
Dugang pa ni Marcos nga ang bag-ong Pilipino mas maalamon ug mas andam sa bisan unsang katalagman. Gani, iyang gipadayag nga dili lang motubag sa mga kalamidad, apan mahimo usab nga ang mga tawo makakat-on sa mga leksyon nga gidala niini.
Pinaagi niini nga lakang, gi-awhag sa Presidente ang matag indibidwal o pamilya nga maghimo ug disaster plan aron masiguro ang kaluwasan sa tanang miyembro ilabina ang mga bata.
Photo courtesy to:PIA
