Dili ikalimod ang dakong kontribusyon sa mga health care worker nga ning serbisyo ug nagsakripisyo atol sa pandemya sa COVID-19 busa angayan lang nga mahatagan sab sila og saktong pag-ila labi na saktong kompensasyon.
Kaniadtong nilabyng sesyon sa konseho, nakalusot na ang ordinansa nga maghatag sa mga health care workers sa ilahang Health Emergency Allowance kon HEA isip sick and death compensation ug uban pang mga benepisyo.
Unod sa ordinansa ang Memorandum of Agreement tali sa lokal nga panggamhanan sa syudad ug sa Center for Health Development-Northern Mindanao (CHD-NM) nga magmando sa pagpatuman sa health allowance ug mga benepisyo alang sa mga health care workers sa publiko ug pribadong sektor lakip na non-health care workers atol sa COVID-19 pandemic ug uban pang umaabot nga health emergencies.
Magkalahi ang madawatan nga HEA depende sa risk exposure categorization, sugod P3, 000 alang sa low risk, P6, 000 alang sa medium risk ug P9, 000 alang sa high risk.
Photo courtesy to:BusinessWorld
