𝟯𝟯 𝗔𝗡𝗬𝗢𝗦 𝗡𝗚𝗔 𝗦𝗨𝗦𝗣𝗘𝗧𝗦𝗔𝗗𝗢 𝗡𝗚𝗔 𝗡𝗔𝗡𝗚𝗛𝗨𝗟𝗚𝗔 𝗚𝗔𝗠𝗜𝗧 𝗔𝗡𝗚 𝗔𝗥𝗠𝗔𝗦, 𝗚𝗜𝗗𝗔𝗞𝗢𝗣 𝗦𝗔 𝗞𝗔𝗣𝗨𝗟𝗜𝗦𝗔𝗡

Gidakop sa kapulisan ang suspetsado nga 33 anyos nga naila sa alyas Elpiridion, gumikan sa pagpanghulga sa usa ka 49 anyos nga naila sa alyas Renz gamit ang armas nga natigayon sa Purok Irrigation Baluno, Brgy. Diplo, Kumalarang, Zamboanga del Sur, niadtong nakalabay nga adlaw.

‎Sa report sa Kumalarang MPS, ang suspetsado impluwensyado na sa ilimnong makahubog sa diha nga iyang gihimo ang pagpanghulga ug pagpanion ngadto sa biktima.

‎Dali nga miresponde ang mga police officers sa Kumalarang Municipal Police Station hinungdan nadakpan ang suspetsado nga misulay na unta pag ikyas.

Apan pakyas nga nabawi sa kapulisan ang gituohang armas nga gigamit sa suspetsado sa pagpanion sa biktima gumikan sa posibleng pagtago niini sa lugar. Ang suspetsado sa karon nakakustudiya na sa Kumalarang Municipal Police Station alang sa pagpasaka sa tukmang kaso.

Photo courtesy to:THE APPEAL