Gisugat og dagkong protesta ang pagbisita ni US President Donald Trump sa United Kingdom.
Nagkabahin ang mga demonstrasyon sa London ug duol sa Windsor Palace diin daghang tawo ang midala og plakard ug misulti nga mas maayo pa nga dawaton ang mga immigrants kaysa kang Trump.
Ang uban usab nitawag sa US President og “racist.” Sumala sa Metropolitan Police sa London, kadaghanan sa mga nagprotesta milakaw ug miuli pagkahuman sa kalihokan. Sa pag-abot ni Trump uban ang iyang asawa nga si Melania, personal siyang gisugat ni King Charles ug Queen Camilla sa Windsor Castle.
Giuban kini sa usa ka military parade ug usa ka makapakugang nga Red Arrows flypast diin makit-an ang mga eroplano nga nagbuga og aso nga pula, puti ug asul. Naghimo usab si Trump og pribadong miting uban si Prince William ug ang asawa niini nga si Princess Catherine. Samtang nakatakda usab siyang makigkita sa British Prime Minister nga si Keir Starmer.
Photo courtesy to:Arab News
