Gialigahan nga nakadawat og minilyon nga donasyon ang kanhi UniTeam tandem nilang President Bongbong Marcos ug Bise President Sara Duterte gikan sa mga kontraktor sa dihang midagan sila sa 2022 national elections, sumala sa taho sa Philippine Center for Investigative Journalism kon PCIJ.
Nakadawat matud pa si Marcos og kinatibuk-ang P21-million nga donasyon gikan sa Rudhil Construction & Enterprises Inc. ug Quirante Construction Corporation, nga gipanag-iya ni Rodulfo Hilot Jr. ug Jonathan Quirante.
Samtang, ang Esdevco Realty Corporation ni Glenn Escandor nibayad matud pa sa political advertisement ni Duterte nga nagkantidad og P19.9 milyones.
Pipila sa nahisgutang mga kontraktor giingong adunay aktibong kontrata sa gobyerno sa wala pa o sa panahon sa 2022 nga eleksyon. Ang 1985 Omnibus Election Code nagdili sa mga kandidato sa pagdawat sa mga donasyon gikan sa mga kontraktor.
Ang report gibase sa pagtuki sa PCIJ sa ilang statements of contributions ug expenses nga gisumite sa Commission on Elections.
Photo courtesy to:Globalo times
