Naglusad og operasyon ang Davao del Norte Police Provincial Office (DNPPO) pinaagi sa “Oplan Pukot Sakyanan” isip kabahin sa pagpangusog sa R.A. 4136 ug mga kalabotang ordinansa sa lain-laing LGU niadtong Setyembre 18, 2025.
Base sa report, 44 ka operasyon ang gihimo sa nagkadaiyang police stations nga mitugot sa pagkumpiska sa 37 ka Temporary Operator’s Permit (TOP) ug pag-isyu og 75 citation tickets.
Pinakadaghan og nalangkit nga mga violators ang natala sa Island Garden City of Samal (IGaCoS) Police Station nga adunay 21 citation ug 18 ka kaso sa “No Helmet, No Travel.” Gisundan kini sa Kapalong MPS nga adunay 18 citation ug 13 ka kaso sa wala magsul-ob og helmet, samtang sa Carmen MPS nakarekord og 14 citation.
Samtang, ang Asuncion MPS nakaparehistro og 9 ka citation nga tanan usab “No Helmet, No Travel.” Sa Panabo CPS adunay 6 citation, ug sa BE Dujali MPS adunay 3 citation lakip na ang tulo ka kaso sa wala magsul-ob og helmet.
Narekord usab ang mga paglapas sa New Corella, San Isidro, Talaingod, ug 1st ug 2nd DNP MFC. Samtang ang Tagum CPS ug Sto. Tomas MPS mipahibalo nga walay nalambigit nga violators atol sa ilang gihimong operasyon.
Sa kinatibuk-an, adunay 54 ka kaso sa “No Helmet, No Travel” ug 3 ka kaso sa “No Plate, No Travel.
Photo courtesy to:DNPPO
