Gipahigayon ang usa ka groundbreaking ceremony alang sa pagtukod sa duha ka bag-ong classrooms sa Collegio De Nabunturan (CDN) nga nahimutang sa Barangay Sasa, lungsod sa Nabunturan kagahapon, Setyembre 18, 2025.
Ang maong kalihokan gipangulohan mismo ni Mayor Myrocel Clarin-Balili, uban sa suporta sa mga personahe ug stakeholders nga kabahin sa proyekto. Ang tumong niini mao ang paghatag ug dugang pasilidad sa edukasyon alang sa mga estudyante sa maong eskwelahan.
Nagpasalamat si Mayor Balili sa dakong suporta sa mga stakeholders nga mitabang sa pagpalambo sa edukasyon sa lungsod. Gibutyag niya nga ang proyekto usa ka timaan nga gihatagan ug prayoridad sa lokal nga panggamhanan ang edukasyon, labi na sa kabataan sa Nabunturan.
Gihagit usab ni Mayor Balili ang mga ginikanan nga suportahan ang edukasyon sa ilang mga anak. Iyang gisiguro nga andam ang LGU-Nabunturan ug mga kaabag niini nga maghatag og suporta ug libre nga edukasyon, ilabi na sa gustong mosulod og kolehiyo.
