Gihukman sa Senate Blue Ribbon Committee nga i-cite in contempt si Curlee Discaya, human siya giingong namakak bahin sa pagkawala sa iyang asawa, si Sarah Discaya, sa hearing ghapong adlawa sa mga iregularidad sa flood control project.
Sa inisyal nga pamahayag ni Curlee Discaya, niingon siya nga wala makatambong si Sarah tungod sa rason sa panglawas.
Apan sukwahi kini sa suwat mismo ni Sarah Discaya nga nagkanayon nga ang iyang pag-absent kay tungod sa gitakda nang meeting sa mga empleyado sa iyang kompanya.
Tungod sa giingong pagpamakak, si Curlee Discaya mahimong mapriso sa Senado isip kabahin sa contempt powers sa komite.
Ang Senado padayong nag-imbestigar sa mga anomaliya sa flood control projects, nga giingong naglambigit sa pipila ka pribadong kontraktor ug opisyal sa gobyerno.
Kahinumduman nga sa miaging mga hearing, gibutyag sa magtiayong Discaya ang ngalan sa pipila ka mga kongresista ug opisyal sa DPWH nga giingong nangayo og “kickback” sa mga proyekto, gikan sa 10% ngadto sa 25% sa kinatibuk-ang gasto.
Matod ni Curlee, kung dili sila mokooperar, gihulga sila sa mga problema sa proyekto sama sa isyu sa “mutual termination” o “right of way”.
Photo courtesy:Bilyonaryo news channel
