Giawhag ni Presidente Ferdinand Marcos Jr. ang mga sundalo nga magpabiling maunongon sa Konstitusyon ug motuman sa ilang mga katungdanan nga may hingpit nga integridad ug dedikasyon sa demokrasya.
Ang Presidente mihimo niini atol sa usa ka seremonyas sa promosyon alang sa mga bag-ong opisyal sa militar nga gipahigayon sa Malacañang.
Matod ni Marcos, ang gipanumpaan nga katungdanan sa mga sakop sa Armed Forces of the Philippines dili lang para sa nasud kon dili para usab sa katawhan — ang pagsiguro sa luwas, malinawon, ug dungganong kinabuhi sa matag Pilipino.
Kini usa ka panaad sa pagsiguro nga ang nasud luwas, ang kagawasan mapanalipdan, ug ang dignidad sa mga katagilungsod mapadayon, matod sa Presidente miingon.
Gihatagan usab og gibug-aton ni Marcos nga ang pagsunod sa balaod ug pagtahod sa Konstitusyon kinahanglan nga mahimong giya sa matag sundalo, sa bisan unsang lebel sa ilang serbisyo.
Ang pahayag nunot sa padayong panawagan sa administrasyon alang sa lig-on nga nasudnong seguridad ug panaghiusa sa armadong kusog, ilabina taliwala sa bag-ong mga hagit sa rehiyonal ug global nga seguridad.
via: AFP
