Mitala sa 12 ka indibidwal ang gikataho nga namissing ug duha ang patay human nalunupan sa tubig-baha ang barangay Lilingayon, Poblacion, Lumbo, Bagontaas ug Colonia dakbayan sa Valencia kagabii Setyembre 17, 2025.
Adunay mga lugar nga lapas sa tawo na ang baha, mga sakyanan nga naanod ug mga tawong na stranded sa second floor sa balay, samtang duha ka mga bata nag-edad 5 og 6 anyos lakip ang usa ka inahan nga taga Purok 13 Poblacion ang naanod nonot sa walay hunong nga pag-ulan dala sa low pressure area ug tropical depression Mirasol nga mihapak sa probinsya sa Bukidnon.
Gibutyag sa exclusive nga pakighinabi sa Juander Radyo Malaybalay kang Kapitan Dodo Zambrano sa Poblacion kinsa nag-monitor sa sitwasyon nga first time kining nahitabo sa syudad.Β
Una nangh gibutang sa City Disaster Risk Reduction and Management Office (CDRRMO) ang Red Alert Status diin nagpadayon ang gihimong retrieval operation sa mga missing kauban sa kasundaluhan BFP CDRRMC Malaybalay ug mga volunteers
Sa karon ang mga apektadong pamilya temporary nahimutang sa Gymnasium samtang gihimo ang Rapid Damage Assessment and Needs Analysis (RDANA) sa apektadong lugar
Ubos sa rekomendasyon CDRRMO ug aron masiguro ang kaluwasan sa tanang mga tinun-an, estudyante, magtutudlo, ug mga kawani sa eskwelahan, si Mayor Amie Galario mimando sa localized suspension sa klase sa tanang lebel karong adlawa Setyembre 18, 2025 sa mga nabahaan
via: CDRRMO β Valencia City
