Nagamit sa Osaka 2025 Expo ang usa ka Tiket nga niadto pang 1940 usa ka katingad-an nga istorya nahimong init nga hisgutanan kaniadtong Mayo sa dihang ang usa ka tawo nga taga-Tokyo, Japan, migamit og tiket alang sa World Expo nga gikanselar tungod sa gubat, 85 ka tuig na ang milabay.
Si Fumiya Takenawa, 25, misulod sa Expo 2025 sa Osaka gamit ang orihinal nga tiket para sa “2600 Japan International Exposition,” usa ka world expo nga ipahigayon unta sa Tokyo niadtong 1940. Gikanselar ang expo tungod sa World War II, hinungdan nga gianggaan kini nga “phantom expo.”
Si Takenawa usa ka kolektor sa mga memorable gikan sa mga daan nga expo, ug usa sa iyang mga paborito mao ang iconic nga “Tower of the Sun” gikan sa Expo ’70 sa Osaka.
Niadtong Marso, samtang nagpahayahay sa iyang balay sa Osaka Prefecture, nakit-an niya ang usa ka tinuod nga tiket alang sa 1940 Expo nga gibaligya online. Isip usa ka kolektor, una niyang gidisplay sa iyang balay, hangtod nga nakahukom siya mangutana sa mga organizer sa Expo 2025 kung magamit ba ang daan nga tiket.
Sa iyang katingala, gitugotan siya sa paggamit niini. Miadto dayon siya sa Expo grounds ug mibisita sa mga pavilion sa Czech Republic ug Saudi Arabia. Miingon siya, nga “Kini ang una nga expo nga iyang tambongan, ug gibati niya nga nahimo siyang kabahin sa kasaysayan.
Ang mga expo nga sama niini usa ka pahinumdom sa panaghiusa. Uban niining karaang tiket nga gigamit, ingon og ang orihinal nga tag-iya niini nga tiket nga damgo sa pagtambong sa usa ka expo natuman.
Sa 1938, gibanabana nga usa ka milyon sa mga tiket ang gibaligya alang sa usa unta ka 1940 expo. Ang matag booklet adunay 12 ka tiket ug nagkantidad lang ug 10 yen, nga katumbas sa mga 17,000 yen (P6,400 karon). Sa kasaysayan, liboan ka daan nga mga tiket gikan sa 1940 ang gigamit sa Expo ’70 sa Osaka, ug mga 100 ka mga tiket ang gigamit sa Aichi Expo niadtong 2005.
Photo Courtesy: etsy.com
