Sikop sa gipahigayong drug buy-bust operation ang giilang drug pusher/user human kini positibong napalitan ug ginadiling drugang shabu sa usa ka poseur buyer didto sa Barangay A.L. Micubo, lungsod sa Siocon, Zamboanga Del Norte niadtong Septyembre 16 ning kasamtangang tuig.
Giila ang dinakpan nga si alyas Baduh, minyo ug nailang Street Level Individual sa drugs watchlist. Nasakmit gikan sa suspetsado ang usa ka gamay nga pakete sa shabu nga nagsilbing buy bust item.
Dugang nasakmit gikan sa iyang posisyon ang 6 ka pakete sa shabu , 500 peso bill nga buy bust money, usa ka pula nga pouch nga nagsilbing container, 5 ka ginunting nga aluminum tin foil, ug usa ka lighter. Mokabat sa 3grams ang nasakmit nga shabu nga mokantidad ug Php20,400.00.
Anaa na sa kustudiya sa Siocon Municipal Police Station ang dinakpan alang sa tukmang disposisyon.
Photo Courtesy: Siocon MPS
