Gibutyag sa Department of Agriculture – Regional Field Office XI – Rice Program, nga nakaapekto ang mga kabalaka ug mga isyu sa panahon sa ting-ani ngadto sa mga mag-uuma, miller, ug mga negosyante.
Kauban ang Davao del Sur Office of the Provincial Agriculturist (OPAG), nagpahigayon ug dayalogo ang departamento sa presyo sa humay ug ginaling nga bugas sa Digos City.
Gipangulohan ang kalihokan, ni DA-XI Regional Technical Director Marie Ann Constantino, diin nagtigom sa mga stakeholders gikan sa local government units (LGUs), millers, traders, farmers’ representatives, ug partner agencies, lakip na ang National Food Authority (NFA) aron hisgutan ang mga uso sa merkado ug pag-ila, sa mga lakang nga makatabang sa pagsiguro sa patas nga presyo sa farmgate, pagpalig-on sa market linkages, ug pagpanalipod sa mga producers ug consumers.
Photo courtesy: DA
