Gipahibalo sa Department of Agriculture (DA) ang temporaryong pagdili sa pag-angkat sa domestic ug wild birds ug uban pang poultry products gikan sa Argentina, human makumpirma ang outbreak sa highly pathogenic avian influenza (H5N1 bird flu) sa maong nasud.
Pinauyonan sa Memorandum Order No. 48 nga gipagawas ni Agriculture Secretary Francisco Tiu Laurel Jr., gilakip sa ban ang poultry meat, day-old chicks, itlog, ug semen alang sa artificial insemination.
Matod pa ni Laurel, ang lakang gihimo aron maprotektahan ang kahimsog sa publiko ug ang lokal nga poultry industry.
Gimanduan usab sa DA ang Bureau of Animal Industry (BAI) nga isuspinde dayun ang pagproseso ug pagpagawas sa sanitary ug phytosanitary import clearances alang sa tanan nga poultry products gikan sa Argentina.
Photo courtesy: Pilmico
