Gi-relieve sa pwesto sa Regional Highway Patrol Unit 13 (RHPU 13 ang tanang personahe sa HPG-Dinagat Islands gumikan sa alegasyong pagpangilkil sa mga katawhan sa maong probinsya.
Kini agig tubag ni Police Col Ruel M. Cagape, Hepe sa HPG-13 sa sulat ni Dinagat Congresswoman Kaka Bag-ao nga dili nila i-tolerate ang ilang mga personahe nga nihimo sa mga dili maayong buhat ug ila gipaniguro nga panubagon kini nila sa salaod nga ilang nahimo.
Mipasalig ang Highway Patrol Group (HPG) Caraga sa maong Kongresista nga mohimo sila og imbestigasyon sa ilang mga personahe.
Dugang pa sa maong sulat nga ang tanang personahe sa Subteam Patrol Group sa Dinagat Island ila nang gi-relieved sa ilang opisina isip parte sa ilang imbestigasyon gumikan sa alegasyong pagpangilkil ug aron dili usab ma-implwensyahan ang ilang himoong imbestigasyon.
