Nakasabot si Presidente Ferdinand Marcos Jr sa kasuko sa publiko bahin sa mga anomaliya sa mga proyekto sa flood control ug uban pang imprastruktura ug iyang giangkon nga kung dili siya ang Presidente, posible nga apil siya sa mga naglihok-protesta.
Gipadayag sa Presidente nga makatarunganon ang kasuko sa katawhan tungod sa mga nadiskobrehan nga irregularidad.
Gisulti sa Presidente nga siya mismo ang nagpagawas sa mga anomaloso ug interesado nga makakita ug solusyon sa dakong problema.
Giingon sa Presidente nga dili masayop ang mga tawo kung mogawas sila sa dalan aron ipadayag ang ilang gibati.
Matud pa niya, nasuko ang mga tawo ug nasuko pod siya, ug katungod sa matag-usa ang pagkasuko tungod kay dili husto ang mga panghitabo.
Gihangyo ni Presidente Marcos ang publiko nga patubagon ang mga opisyal sa gobyerno ug pribadong indibidwal nga nalambigit sa mga anomaloso ug siguraduhon nga manubag sila sa balaod.
Gipahinumdoman usab sa Presidente nga kinahanglan magpabilin nga malinawon ang mga protesta, ug nagpasidaan nga obligado ang mga awtoridad nga mohimo ug aksyon kung mahimong masamok ang mga kalihokan.
Gipasiugda sa Presidente nga seryoso ang gobyerno nga maubag sa mga nalambigit pinaagi sa bag-ong natukod nga Independent Commission on Infrastructure (ICI).
