Gipunting si kanhi Supreme Court Justice Andres Reyes isip pangulo sa Independent Commission on Infrastructure (ICI), nga mag-imbestiga sa bilyon-bilyong kantidad sa mga anomaliya sa mga proyekto sa flood control.
Si Reyes mangulo sa panel diin ang ubang miyembro sila kanhi Secretary sa Public Works and Highways nga si Rogelio Singson, SGV Country Managing Partner nga si Rossana Fajardo isip miyembro, ug Mayor sa Baguio City nga si Benjamin Magalong isip special adviser ug imbestigador.
Si Reyes kaniadto nagserbisyo isip presiding judge sa Court of Appeals.
Gawas sa ICI, ang Senado ug ang House naglunsad usab sa ilang kaugalingong imbestigasyon sa isyu, diin ang pipila ka mga kontraktor ug inhenyero nag-akusar sa mga magbabalaod nga nakadawat og payoffs alang sa mga proyekto sa flood control.
Lakip sa mga gibutyag nga nalambigit sa giingong kickback scheme ang ig-agaw sa Presidente nga si Speaker Martin Romualdez ug si Rep. Elizaldy Co.
Gipamahayag sab sa president nga wala siyay ilhon o tabangan nga kapamilya ug manubag ang si bisan kinsa man.
Si Marcos una nang nagpirma sa Executive Order No. 94, nga naghatag sa ICI og gahum sa pag-imbestiga sa “flood control ug uban pang mga proyekto sa imprastraktura sulod sa milabay nga napulo ka tuig.”
Ang panel gitugutan usab nga magpahigayon og mga hearing, mag-subpoena og mga saksi ug mga dokumento gikan sa ubang sanga sa gobyerno, mag-freeze sa mga asset, ug morekomenda sa pagdawat sa usa ka tawo isip state witness.
Gimando sa Presidente ang imbestigasyon sa isyu sa flood control pipila ka semana human sa iyang ika-4 nga State of the Nation Address (SONA), diin iyang gibadlong ang mga opisyal sa gobyerno tungod sa ilang kapakyasan sa pagpatuman sa liboan ka mga proyekto sa imprastraktura nga gituyo sa pagpugong sa pagbaha sa tibuok Pilipinas.
Photo courtesy to: en wikipedia.org
