Nasakpan ang usa ka chimpanzee pinaagi sa security camera nga nagsuroy-suroy sa lungsod sakay sa bisikleta, usa ka insidente nga nakapahibulong sa mga residente.
Nagsugod ang tanan human namatikdan sa usa ka residente nga nagpuyo duol sa lasang nga kanunay mawala ang iyang bisikleta matag gabii ug makit-an lang matag buntag.
Human sa pagsusi sa security cameras, nabuking ang mystery cyclist nga usa diay ka chimpanzee ang nagsakay sa bisikleta.
Matud sa tag-iya, nakakat-on ang maong chimpanzee pinaagi sa pag-obserbar kaniya matag adlaw samtang paingon siya sa lungsod.
Sa gabii, mosakay ang chimpanzee sa bisikleta, molugsong sa merkado, ug mangawat ug saging ug uban pang prutas.
Giingon sa mga siyentipiko nga posible nga makakat-on ang usa ka chimpanzee sa pagsakay sa bisikleta, apan talagsaon ang maong panghitabo tungod kay nakakat-on kini sa kaugalingon lang pinaagi sa obserbasyon.
Photo for illustration credits to:Pngtree
