𝗣𝗗𝗟, 𝗣𝗔𝗗𝗔𝗬𝗢𝗡 𝗔𝗡𝗚 𝗘𝗗𝗨𝗞𝗔𝗦𝗬𝗢𝗡 𝗦𝗔 𝗦𝗨𝗟𝗢𝗗 𝗦𝗔 𝗣𝗥𝗜𝗦𝗢𝗛𝗔𝗡 𝗦𝗔 𝗞𝗜𝗗𝗔𝗣𝗔𝗪𝗔𝗡

KIDAPAWAN CITY- Padayon ang paghatag og kahigayunan sa edukasyon alang sa mga Persons Deprived of Liberty (PDLs) sa Bureau of Jail Management and Penology (BJMP) Kidapawan pinaagi sa Alternative Learning System (ALS).

Kini ang gibutyag ni JO1 Chryslyn T. Maglente atol sa pakighinabi sa Juander Radyo Kidapawan 87.7 FM niadtong nakalabay nga adlaw didto mismo sa buhatan sa BJMP Kidapawan.

Matod ni Maglente, aktibo ang pakig-alayon sa mga magtutudlo sa ALS aron matabangan ang mga PDL nga mapadayon ang ilang edukasyon bisan pa man sa ilang kahimtang. Gilauman nga pinaagi niini, mas daghang oportunidad ang moabot kanila paghuman sa ilang sentensya.

Gipasalamatan usab sa BJMP ang suporta sa Department of Education ug sa mga magtutudlo nga walay pagduha-duha nga mitabang sa programa.

Ang maong inisyatibo kabahin sa rehabilitasyon nga tumong nga andamon ang mga PDL alang sa ilang pagbalik sa komunidad isip mga bag-ong higayon sa pagpanginabuhi.

Source: BJMP Kidapawan