GENERAL SANTOS CITY- Gibutyag sa Department of Health-SOCCSKSARGEN kon (DOH-12) nga misaka og 40 porsiyento ang ihap sa mga kaso sa Human Immunodeficiency Virus (HIV) sa rehiyon.
Base sa datos sa DOH-12 nga gikan Enero 1 hangtod Abril 30, 2025, mukabat na sa 248 ang kaso sa HIV, mas taas kini sa 145 ka kaso nga natala sa samang panahon niadtong tuig 2024.
Kadaghanan matud pa sa mga nataptan mga lalaki nga nag edad 25 hangtod 34 anyos.
Matud sa DOH usa sa mga rason ang unprotected sex, ilabina ang dili paggamit sa condom, nga maoy nag-unang hinungdan sa paspas nga pagkaylap sa virus.
Gawas pa niini, dugang pa sa mga health authorities nga ang nagkadaghang mga paagi sa pagpangita og mga sexual partner sama sa online dating apps ug pagbisita sa mga massage parlor nga mahimong magtanyag og serbisyong sekswal mahimong maka apekto usab sa paspas nga transmission.
Sa pagkakaron, adunay 18 ka HIV treatment centers sa rehiyon, lakip ang Regional Health Unit.
Busa giawhag sa DOH-12 ang mga indibidwal, labi na ang mga aktibo sa pakighilawas, nga mopailawom sa HIV testing alang sa sayo nga pagdayagnos ug mahatagn ug dinaliang access sa pagtambal.
Source: DOH-12
