𝐀𝐑𝐌𝐀𝐒 𝐆𝐈𝐒𝐔𝐋𝐎𝐃 𝐒𝐀 𝐒𝐀𝐊𝐎 𝐍𝐀𝐊𝐔𝐌𝐏𝐈𝐒𝐊𝐀 𝐒𝐀 𝐊𝐀𝐒𝐔𝐍𝐃𝐀𝐋𝐔𝐇𝐀𝐍

GENERAL SANTOS CITY- Nakumpiska sa tropa SA 7th Infantry Battalion ang managlahing matang sa armas panggubat nga nakasulod sa usa ka sako nga nakaplagan sa abandonadong Compound sa Barangay Lagandang Isulan, Sultan Kudarat niadtong nakalabayng adlaw.

Nasuta nga ang sulod niini mao ang duha ka Long-Range Caliber .50 Bolt-Action Sniper Rifles, usa ka M79 Grenade Launcher, tulo ka mga Anti-Tank Rocket Launchers ug usa ka B-40 Anti-Tank Rocket.

Matud pa sa impormasyon nga ang 7th Infantry Battalion nga nagpatrolya sa maong lugar dihang ilahang nabantayan nga dunay kadudang sako ug ilahang giduol ug didto ilahang nakita nga puros matang sa armas ang sulod sa sako.

Sa karon padayon pang gi-imbistigahan sa kasundalohan kong kinsa ang tag-iya sa maong mga armas ug kasamtangan nakakustodiya na kini sa ilahang buhatan sa Sultan Kudarat.

-Credits to the Rightful Owner