NABUNTURAN- Nasikop na sa mga otoridad ang usa ka lalaki nga giilang Top 8 Most Wanted Person Municipal level atol sa usa ka manhunt operation nga gihimo sa Barangay Melale, LaaK, Davao de Oro niadtong gabii sa Hulyo 27, 2025.
gipangulohan ang operasyon sa Laak Municipal Police Station uban sa koordinasyon sa Provincial Intelligence Unit , Regional PIU, ug sa 2nd Davao de Oro Provincial Mobile Force Company , pinaagi sa ilang joint Manhunt Charlie operation.
Nasikop si alyas “Art” 22-anyos lalaki residente sa maong lugar, sa usa ka Warrant of Arrest alang sa kasong robbery (pangawat) nga gipagula sa Regional Trial Court Branch 57 sa Mabini, Davao de Oro, nga adunay girekomendang piyansa nga ₱120,000.
karon anaa ang suspetsado temporaryong nakakustodiya sa Laak Municipal Police Station samtang nagahulat sa sunod nga legal nga proseso.
Source: DDOPPO
