𝐃𝐔𝐇𝐀 𝐊𝐀 𝐋𝐀𝐋𝐀𝐊𝐈 𝐍𝐆𝐀 𝐍𝐀𝐍𝐆𝐀𝐖𝐀𝐓 𝐎𝐆 𝐋𝐔𝐁𝐈 𝐍𝐀𝐃𝐀𝐊𝐏𝐀𝐍

ILIGAN CITY- Balhog sa prisohan ang usa ka lalaki nga nangawat og lubi, residente sa Purok 18-A Dalipuga sakop sa syudad sa Iligan, kini homan madakpan sa mga residente alas 7:10 sa gabii kagahapong adlawa niadtong Hulyo 28,2025 sa susamang lugar.

Sumala sa imbistigasyon sa Iligan City Police Station 1 gisaysay sa witness nga aduna syay nadunggan nga kabanha, apan sa dihang iya kining gisusi, iyang nasiplatan ang usa ka lalaki nga anaa sa tumoy sa lubi samtang ang kauban niini kamulo usab og panguhit og lubi.

Sa dihang nakit-an kini sa mga suspek mibunlot sa guna ang maong lalaki hinungdan nga mipunit usab og kahoy ang nahisgotang witness apan dali nga midagan ang suspek nga nanghadlok sa iyang guna, samtang ang laing suspek mikanaog sa iyang pagsaka sa lubi hinungdan nga nadakpan kini.

Sa pagkakaron nagtingkagol na ang nadakpan nga suspetsado, samtang giplastar na usab ang kaso nga ipasaka batok kaniya.

Source: Iligan City Police Station 1