𝐋𝐀𝐋𝐀𝐊𝐈 𝐍𝐀𝐓𝐀𝐁𝐔𝐍𝐀𝐍 𝗢𝐆 𝐘𝐔𝐓𝐀 𝐏𝐀𝐓𝐀𝐘

‎NABUNTURAN- Kabsan sa kinabuhi ang usa ka minero nga si Cristituto Guijuanon, 37 anyos, human matabunan og yuta sa ilang gikalot nga tunnel sa Purok 9, Barangay Tuboran, Mawab, Davao de Oro, Hulyo 26, 2025.

‎Sumala sa MDRRMO sa Mawab, nagkalot sila og tunnel aron mangita og bulawan nga mokabat na sa 7 metros ang gilawomon.

Lima na ka adlaw sukad nagsugod ang pagkutkot nga gisugdan kini niadtong Hulyo 21, 2025. Nahugmak ang tunnel ug natabunan ang nahisgotang biktima.

Sa pagrescue niini dali kining gidala sa Davao Regional Medical Center sa Tagum pero gideklarang patay sa attending physician.

‎Gimandoan ni Mayor Myrill Apit, ang kapulisan nga i-cordon ang nahisgotang lugar aron malikayan na ang susamang insedente.

Source: Mawab MDRRMO