Arestado ang isa ka 43-anyos nga ginapatihan street-level drug personality matapos makumpiska ang ginabulubanta nga nagabalor sang P78, 520.00 sang ginapatihan nga shabu sa buy-bust operation sa Barangay Pansud, Lebak, Sultan Kudarat, sang gab-i sang damlag lang.
Ginpangunahan sang Sultan Kudarat Police Provincial Drug Enforcement Unit, Provincial Intelligence Unit, kag Lebak Municipal Police Station ang operasyon pasado alas otso sang gab-i.
Narekober sa suspek ang duha ka sachet sang ginapatihan nga shabu nga may kabug-aton nga 11.547 gramos, isa ka libo ka pesos nga marked money, kag isa ka Realme cellphone.
Sa pagkakaron, yara na sa kustodiya sang Lebak Municipal Police Station ang suspek, samtang ginpadala sa Provincial Forensic Unit ang nakumpiskar nga droga para sa laboratory examination.
Suno sa kapulisan, padayon ang ila intelligence-driven operations batok sa ilegal nga droga sa probinsya sang Sultan Kudarat.
Photo courtesy: PNP Sultan Kudarat Police Provincial Office
