Nasakmit sa kapulisan ang 284.76 gramos sa gidudahang shabu nga nagkantidad og kapin sa 1.93 milyones pesos atol sa buy-bust operation sa Zone 1, Barangay Bayabas, Cagayan de Oro City. Giila ang nadakpan nga si alyas “Roger,” 53-anyos, residente sa maong barangay ug giila sa kapulisan nga high-value individual o HVI.
Gipangulohan sa City Drug Enforcement Unit sa Cagayan de Oro City Police Office ang operasyon, kauban ang City Mobile Force Company ug sa koordinasyon sa Philippine Drug Enforcement Agency Region 10.
Gawas sa gidudahang shabu, nasakmit usab ang buy-bust money, usa ka sling bag, cellphone ug uban pang kuwarta nga may kalabotan sa operasyon. Anaa na sa kustodiya sa CDEU-COCPO ang suspek alang sa hustong disposisyon.
Samtang ang naimbarag nga Methamphetamine Hydrochloride ipadala sa Regional Crime Laboratory alang sa eksaminasyon.
Photo courtesy: PRO-10
