Gipagawas sa Local Government Unit (LGU) sa Ipil, pinaagi sa Municipal Treasurer’s Office (MTO), ang Report of Checks Issued alang sa bulan sa Agosto 2026 isip kabahin sa pagpalig-on sa transparency ug accountability sa pagdumala sa pondo sa publiko.
Sumala sa report, mokabat sa 550 ka tseke ang giisyu sa munisipyo alang sa nagkalainlaing gastohon ug kalihokan sa gobyerno, nga naggikan sa lain-laing tinubdan sa pondo, lakip ang General Fund, disaster risk reduction, edukasyon, ug uban pang gitakdang katuyoan.
Gipakita usab sa report nga ang General Fund adunay pinakadaghang tseke nga gi-isyu, samtang ang General Fund–DBP maoy adunay kinadak-ang kinatibuk-ang kantidad taliwala sa mga nakalistang tinubdan sa pondo.
Pinaagi niini nga pagpaambit sa pinansyal nga rekord, gitinguha sa LGU Ipil nga mahatagan ang mga Ipileño og mas klarong impormasyon bahin sa mga transaksyon sa gobyerno ug madasig ang publiko sa pagsusi ug pagsabot sa paggamit sa pondo sa munisipyo.
Photo courtesy: Atong ipil
