Naghiusa ang Police Regional Office 12 kag Securities and Exchange Commission ukon SEC sa pagpakigbato batok sa malimbungon nga investment schemes sa rehiyon sang SOCCSKSARGEN.
Ini ang sentro sang ila kooperasyon sa pagpabakod sang financial literacy, responsable nga pagpamuhunan, kag kaalam sang publiko agud malikawan ang investment scams.
Pinaagi sa nasambit nga partnership, may tinutuyo ang duha ka ahensya sa pagpatigayon sang mga seminar kag information campaigns para mabuligan ang mga estudyante, negosyante, mangunguma, mangingisda, kag iban pa nga sektor nga makilala ang lehitimo nga pagpamuhunan.
Suno sa PRO 12, importante ang kooperasyon kag edukasyon agud maprotektahan ang ginpaningkamutan nga kwarta sang mga pumuluyo batok sa pagpanglimbong.
Photo courtesy: PNP Police Regional Office 12
