Misalmot ang mga personnel sa Digos City District Jail–Female Dormitory o DCDJ-FD, uban sa 5 ka UMBC ug 9 ka UMDC Criminology Interns, sa pagpananom og mga bakhaw sa Punta Biao, Barangay Cogon, Digos City, niadtong Oktubre 10, 2026.
Ang maong kalihokan gipangunahan sa City Environment and Natural Resources Office o CENRO, uban sa nagkalain-laing ahensya sa gobyerno ug pribadong organisasyon.
Kabahin kini sa City Greening Weekly Tree Planting Activity ug sa pagsaulog sa ika-15 nga Community Relations Service Month.
Gitinguha sa maong inisyatiba nga mapalig-on ang pagpanalipod sa kinaiyahan, mapreserbar ang mga kabaybayonan, ug mapalambo ang aktibong partisipasyon sa komunidad sa pag-atiman sa kalikopan.
