Gipahimuslan nila Surigao del Norte Vice Governor Eddie Geed D. Gokiangkee Jr. ug Surigao City Mayor Paul Dumlao II, ang Multilevel Water Governance Training nga gipahigayon sa The Hague Academy for Local Governance sa Netherlands aron sa pagpalapad sa ilang kahibalo sa seguridad sa tubig, pagdumala sa tinubdan sa tubig ug pagpangandam batok sa mga kalamidad.
Nahimong sentro sa maong pagbansay ang nagkadaiyang isyu ug hagit sa pagdumala sa tubig, lakip na ang mga pamaagi aron mas mapalig-on ang kalig-on ug kaandam sa mga komunidad sa panahon sa mga katalagman.
Gitumong usab sa programa ang pagpaambit sa mga kasinatian ug maayong pamaagi sa ubang nasod nga mahimong ipahiangay ug magamit sa lokal nga panginahanglan.
Gilauman nga ang mga nakat-unan gikan sa maong internasyonal nga pagbansay makatampo sa pagpalambo sa lokal nga pagdumala ug paghatag og mas epektibong serbisyo ngadto sa katawhan.
Photo courtesy:Geed Gokiangkee
