Padayon nga giatubang sa Iligan City Waterworks System o ICWS ang mga problema sa suplay sa tubig nga kasagarang hinungdan sa naguba o daan nang mga tubo, mga leak ug ubos nga water pressure.
Matud ni Hubert Reyes, OIC-Head sa ICWS, usahay gikinahanglan ang temporaryong paghunong sa suplay ug pagpatuman og water rationing aron mahatagan gihapon og tubig ang mga apektadong lugar samtang giayo ang mga naguba nga linya.
Padayon usab ang pag-ayo ug pagmintinar sa mga pipeline ug pagtan-aw sa dugayng solusyon aron mas masaligan ang suplay sa tubig sa siyudad.
Samtang nagpadayon ang mga lakang, giawhag ang mga konsumante nga magtipig og igo nga tubig, likayan ang pag-usik niini ug mosubay sa opisyal nga pahibalo sa ICWS panahon sa water interruption.
