Gipahigayon ang groundbreaking ceremony alang sa pagtukod sa Bacolod City Police Station 8 sa Barangay Tangub, Bacolod City, niadtong Oktubre 9, 2026, aron mapalambo ang pasilidad sa kapulisan ug mapalig-on ang paghatag og serbisyo ug seguridad sa komunidad.
Mitambong sa groundbreaking ceremony ang Bacolod City Police Office ubos sa pagpangulo ni PCOL Eugene N. Rebadomia, City Director.
Gipangunahan ang seremonyal nga pagsugod sa proyekto ug ang pagbutang sa time capsule nila ni Bacolod City Mayor Greg G. Gasataya, Police Regional Office–Negros Island Region Director PBGEN Rudecindo L. Reales, ug Police Regional Office 6 Director PBGEN Randulf T. Tuaño.
Tumong sa proyekto ang paghatag og mas maayong pasilidad sa mga personnel sa kapulisan ug pagpalambo sa ilang pagserbisyo sa publiko. Gilaoman usab nga makatabang ang maong inisyatiba sa pagpalig-on sa kaluwasan sa komunidad ug sa pagsalig ug kooperasyon tali sa kapulisan ug sa mga residente.
Photo courtesy: PNP PRO PIO
