Naserbisyohan og warrant of arrest ang usa ka indibidwal nga nalakip sa Top 3 Provincial Most Wanted Person sa Davao de Oro atol sa operasyon sa kapulisan sa Provincial Rehabilitation Center, Barangay Sta. Maria, Nabunturan, pasado alas-1 sa hapon niadtong Oktubre 8, 2026.
Ang operasyon gipasiugdahan sa tracker team sa Nabunturan Municipal Police Station kauban ang mga personahe sa Regional Mobile Force Battalion 11, 1101st Maneuver Company ug 1st Davao de Oro Provincial Mobile Force Company.
Ang warrant batok sa maong indibidwal gipagawas sa Regional Trial Court Branch 3 sa Nabunturan niadtong Setyembre 17, 2026, tungod sa paglapas sa Republic Act 9165 o Comprehensive Dangerous Drugs Act of 2002, kalabot sa pagpatuman sa sentensiya.
Sa pagkakaron, anaa na sa kustodiya sa Provincial Rehabilitation Center ang nadakpan alang sa hustong pagproseso ug disposisyon subay sa balaod.
Photo courtesy: istock
