Gipahibalo sa Provincial Veterinary Office sa Misamis Oriental nga wala nay nadetect nga kaso sa African Swine Fever o ASF sa lalawigan sulod na sa taas nga panahon, human sa pagkatag kaniadto sa nahisgutang virus nga makamatay sa mga baboy.
Matud ni PVET Head Dr. Benjie Resma, bisan pa man nga wala nay kaso nga nadetect sa probinsya, dili gihapon angay nga magkompyansa ang mga backyard raiser ug farm breeder aron malikayan ang posibleng pagbalik o pag-aktibo sa virus.
Gipadayon usab sa Provincial Veterinary Office ang hugot nga animal quarantine control pinaagi sa mga quarantine control point, diin gisusi ang mga baboy nga mosulod sa Misamis Oriental, ilabina kadtong gikan sa silingang mga rehiyon, aron mapugngan ang posibleng pagsulod pag-usab sa ASF sa lalawigan.
Photo courtesy: Provincial Veterinary Office Misamis Oriental
