Nakatakdang ipahigayon ang 2026 Dakak Annual Invitational Fishing Tournament sa Nobyembre 7, 2026, adlaw nga Sabado, sa Dakak Beachside Golf and Resort nga I-host sa Dipolog City District Jail – Male Dormitory ug pagasugdan sa may alas 6 sa buntag hangtod alas 2 sa hapon.
Ang maong kompetesyon adunay duha ka kategoriya, ang Ultralight/Light Tournament ug Bait and Wait Tournament, nga adunay cash prizes alang sa unang tulo ka mananaog ug special awards alang sa Longest Catch, Smallest Catch ug First Catch.
Hugot nga gidili atol sa tournament ang pagbalhin o pagpaambit sa kuha nga isda ngadto sa laing angler. Gidili usab ang pagkuha sa mga protected fish sama sa parrotfish, samtang inspeksyuhon usab ang cooler sa mga partisipante sa dili pa mosulod sa fishing area.
Ang tanang fishing tools kinahanglan ideklara ug aprubahan sa tournament committee. Sa matag pagkuha og isda, kinahanglan kini dayon ideklara sa designated personnel aron matimbang ug marekord.
Samtang kini nga tournament adunay P500 nga registration fee sa matag participante, samtang ang dugang nga kauban adunay entrance fee nga P500. Gipahinumdoman ang tanang partisipante nga hugot nga sundon ang mga lagda ug regulasyon alang sa patas, luwas ug malinawon nga kompetisyon.
𝐏𝐡𝐨𝐭𝐨 𝐂𝐨𝐮𝐫𝐭𝐞𝐬𝐲: 𝐃𝐢𝐩𝐨𝐥𝐨𝐠 𝐂𝐢𝐭𝐲 𝐃𝐢𝐬𝐭𝐫𝐢𝐜𝐭 𝐉𝐚𝐢𝐥 𝐌𝐚𝐥𝐞 𝐃𝐨𝐫𝐦𝐢𝐭𝐨𝐫𝐲-𝐁𝐉𝐌𝐏𝟗
