Ya Presenta Mismo El Alcalde Khymer Adan T. Olaso Durante El Press Briefing Na Ayuntamiento Del Ciudad Del Ayer Octubre 7, Con El Suspechao Quien Allegaomente Ya Anda Saca El Cell Phone Del Un Mujer, Que Ya Ocuri Del Octubre 6 Tarde Na Calle Del Tomas Claudio, Donde Na Cuantos Pregunta Con El Suspechao Ya Admiti Este Con El Insidente Y Ta Man Target Este Na Maga Mujer Cay Menos El Tiansa Imbisti.
Mientrastanto Omento Pa Del Suspechao,Que Ya Comete Segun Este Con El Acto, Porcausa Cay Ta Nesesita Este El Sen Para Na Medical Support Del De Este Tiya, Y Este Maga Tiempo El Alcalde Ya Dalle Ya Orden Con Otoridad Para Verifica Si Verdad Ba El Cosa Ya Explica El Suspechao.
Ademas Omento Pa Del Alcalde, Si Por Ejemplo Tene Verasidad El Cosa Ya Explica El Suspechao Sobre Con El De Este Tiya, El Alcalde Preparao Asisti Para Na Suporta Medical Del De Este Tiya.
