Gipalig on sa Pintaflores Festival Working Committee ang koordinasyon ug mga preparasyon alang sa umaabot nga ika-34 nga Pintaflores Festival pinaagi sa coordination meeting nga gihimo sa City Hall Annex Building karong Oktubre 6.
Mitambong sa maong miting ang mga opisyal sa barangay, school heads, kapulisan, Bureau of Fire Protection o BFP, ug mga representante sa national ug local government offices.
Gihisgutan ang mga detalye sa nagkadaiyang kalihokan sa festival, lakip ang showdown ug street dancing route, logistics ug operasyon, ingon man ang mga lakang alang sa kaluwasan, kalimpyo ug seguridad sa publiko.
Gipangulohan ang miting nila Pintaflores Festival Working Committee Chair ug Executive Assistant IV Airene Rose Gustilo-Gonzales, Tourism Operations Officer II Jennifer S. Paran, ug Creative Team ug Festival Director Jeremy Rondovio.
Photo courtesy: San Carlos City, Neg. Occ. -LGU Information Page
