Nasikop sa kapulisan ang mga gituohang high-value individuals atol sa checkpoint operation sa Licanan, Lasang, Davao City, alas-9:40 sa gabii niadtong nakalabay nga adlaw.
Gipahigayon ang inspeksyon sa hiniusang checkpoint sa Police Station 6-Bunawan, 1st CMFC ug Task Force Davao. Atol sa pagsusi, nakit-an ang gituohang shabu nga adunay standard drug price nga P142,800, nga misangpot sa pagkadakop sa mga suspek.
Gipadayon sa Davao City Police Office, ubos sa pagpanguna ni PCOL Peter Bauzon Madria, ang kampanya batok sa ilegal nga droga alang sa mas luwas nga Davao City.
Photo courtesy: Police Station 6-Bunawan
