Patay ang usa ka dump truck driver human maaksidente ang iyang gimanehong sakyanan sa kurbada nga bahin sa Sitio Urang, Barangay Kalamtukan, Bayawan City, Negros Oriental niadtong nakalabay nga adlaw.
Sumala sa impormasyon, ang dump truck gikargahan og aspalto ug padulong sa Kalumboyan area alang sa usa ka asphalting project. Giingong gikan pa sa Bago ang mga dump truck ug sunod-sunod ang ilang biyahe tungod sa full-swing nga trabaho sa proyekto.
Naipit ang driver sa bahin sa passenger seat human matumba ang dump truck. Giingon usab nga wala siyay kauban nga helper ug posible nga wala nakasuot og seatbelt sa panahon sa aksidente.
Sa pagkakaron, nahawan na ang nagkatag nga aspalto sa dalan, apan wala pa matangtang ang dump truck ug padayon pa ang pagkuha og dugang nga impormasyon sa insidente.
Photo courtesy: Kix Elthon L./ Bord’s Vlog
