Dakpan ang duha ka lalaki sa mga otoridad atol sa gikasang buy-bust operation pasado alas 9:40 sa gabii, niadtong niadtong nakalabay nga adlaw sa Purok Butuasan 1, Barangay Dahican, Mati City, Davao Oriental.
Gihimo ang operasyon pinaagi sa mga personahe sa Mati City Police Station, kauban ang PIU DOPPO ug sa koordinasyon sa PDEA DOPO XI nga miresulta sa pagkasikop nila alyas ‘Roland”, usa ka High Value Individual, 50 anyos, minyo, ug alyas “Sam”, 18 anyos, ulitawo ug pulos mga residente sa maong lugar.
Sa maong operasyon, narekober gikan sa mga suspek ang lima ka pakete sa gituohang shabu nga gibanabanang motimbang sa 13.805 gramos ug adunay standard drug price nga PhP87,074.00. Lakip usab sa nasakmit ang usa ka P1,000 nga buy-bust money ug usa ka piraso sa itom nga panapton nga pouch nga adunay higot.
Human niini, gipahibalo ang mga dinakpan sa ilang mga katungod ug dayong gidala sa kustodiya sa Mati City Police Station alang sa hustong disposisyon ug mag atubang ug angay nga kaso.
Photo courtesy: Mati CPS
