Nagpalapnag sang Alternative Dispute Resolution ukon ADR ang CENRO Kalamansig para mapahapos ang pagsulbar sang mga land conflict sa Palimbang, Sultan Kudarat.
Ini ang sentro sang information, education and communication campaign nga ginpatigayon sang CENRO Kalamansig sang Oktubre 6, 2026, para sa mga lokal nga opisyal kag stakeholder.
Ginpahayag ni Engr. Taric A. Pananggilan, Chief sang Regulation and Permitting Section sang CENRO Kalamansig, ang husto nga proseso sa pag-imbestigar kag pag-evaluate sang mga land claim kag land conflict.
Dugang ni Pananggilan, ang ADR nagahatag sang kahigayunan sa mga partido nga maghinun-anon kag mangita sang malinong nga kasugtanan sa mga away nga may kaangtanan sa duta.
Samtang, nagsaad si Municipal Vice Mayor Joenime B. Kapina sang suporta sang LGU sa CENRO Kalamansig para mapalig-on ang koordinasyon sa pagdumala kag pagprotektar sang mga duta sa banwa sang Palimbang.
Photo courtesy:DENR SOCCSKARGEN
