Pormal nang giinagurahan ug giturn-over ang bag-ong duha ka andana nga Schools Division Office sa Department of Education sa San Carlos City, nga gitukod aron mapaayo ang trabaho sa mga personnel ug mas mapaduol ang serbisyo sa edukasyon sa publiko, niadtong Oktubre 7, 2026.
Nahimutang sa So. Andoon, Barangay Rizal, ang pasilidad nga nagkantidad og ₱59,116,290.23 ug gipondohan sa DepEd Central Office ubos sa FY 2024 General Appropriations Act. Gisugdan ang konstruksyon niadtong Agosto 19, 2024 ug nahuman niadtong Nobyembre 11, 2025.
Sumala ni OIC-Schools Division Superintendent Ma. Teresa P. Geroso, ang bag-ong opisina dili lang bag-ong building, kundili simbolo usab sa hiniusang paningkamot sa pagpalambo sa serbisyo sa edukasyon.
Gihagit usab ni DepEd Regional Director Ramir Uytico ang mga personnel nga himuong mas epektibo nga serbisyo ang oportunidad nga dala sa bag-ong pasilidad.
Mitambong usab sa seremonya si Mayor Renato Y. Gustilo, uban sa mga opisyal sa DepEd ug city government, diin gipahigayon ang ribbon-cutting, pagpirma sa usufruct agreement ug pormal nga turnover sa building ug mga dokumento.
Photo courtesy: San Carlos City, Neg. Occ. -LGU Information Page
