Giturn-over ang napulo ka computer sets ug starlink internet connectivity, ngadto sa ipil national high school isip dugang suporta sa digital learning sa mga estudyante ug magtutudlo.
Ang mga computer gikan sa Philippine Amusement and Gaming Corporation o pagcor, samtang ang internet connectivity gihatag pinaagi sa Department of Information and Communications Technology o DICT.
Pinaagi niini, mas mapa-access sa mga estudyante ug magtutudlo ang online learning resources, research materials ug uban pang digital tools nga makatabang sa ilang pagtuon ug pagtudlo.
Gipasalamatan usab ang pagcor, DICT, Department of Education Region 9 ug ang Zamboanga Sibugay Schools Division sa ilang pakigtambayayong alang sa pagpalambo sa teknolohiya sa edukasyon.
Gipahayag usab nga plano nga dad-on ang susamang proyekto sa ubang mga eskwelahan sa District Dos aron mas daghang mga estudyante ang makabenepisyo sa computer equipment ug mas lig-on nga internet connectivity.
