Usa ka babaye sa hilit nga rehiyon sa Irkutsk, Siberia, Russia ang namatay tungod sa plague. Gitaho usab sa lokal nga media nga daghang tawo ang gipailalom sa quarantine tungod sa posibleng exposure.
Ginganlan sa lokal nga media ang biktima nga si Darya Shipilova, 28 anyos ug usa ka laboratory technician. Siya gikataho nga nagtrabaho sa Irkutsk Anti-Plague Institute ug posibleng natakdan sa pneumonic plague human mabali ang usa ka test tube.
Sumala sa People of Baikal news outlet, dul-an sa 200 ka tawo ang posibleng nakontak sa biktima ang gipailalom sa quarantine. Wala pa kini maghatag og dugang detalye bahin sa ilang kahimtang.
Una nang gikumpirma ni Alexei Tsydenov, gobernador sa kasikbit nga Buryatia region, pinaagi sa social media nga usa ka babaye sa Irkutsk ang namatay tungod sa plague.
Ang plague usa ka makatakod nga sakit nga dala sa bakterya. Matud sa World Health Organization (WHO), ang pneumonic plague hilabihan ka makatakod ug mahimong makamatay kung dili matambalan dayon.
Photo Courtesy: Fact net
