Kung sa atong dapit kong ulanon kasagaran nga tubig, Pero lahi ang nahitabo sa usa ka remote community sa Australia, tungod kay isda ang miulan gikan sa langit dili tubig.
Sa Lajamanu, usa ka uga ug hilit nga komunidad duol sa Tanami Desert, nakasinati sa maong lugar ang gitawag nga “fish rain.” Matud sa mga residente, samtang kusog ang ulan ug thunderstorm, kalit lang nga nagsugod og hulog ang mga buhi nga isda gikan sa langit!
Ug dili lang ni usa ka higayon. Nahitabo na kini niadtong 1974, 2004, 2010, ug karon bag-o lang. Giila sa mga eksperto ang mga isda nga spangled perch, usa ka klase sa freshwater fish.
Posible matod nga gisuyop sa kusog nga hangin ug thunderstorm ang mga isda gikan sa tubig ug gidala sa layo.
Busa kung makakita mo og isda nga nahulog gikan sa langit, ayaw sa pag-order og rice! Tan-awa una kung asa gikan ang “delivery!”
Kay sa Lajamanu, dili lang gyud fish and chips— fresh fish from the skies ang nahitabo.
Photo courtesy: Oddity Central
